❤️Esti llibru ye un firme uncandidatu a convertise nuna de les meyores llectures d'esti añu.
Garrélo ensín munches pretensiones, cola única idea de lleer dalguna novela que me metiera de lleno na seronda, nel misteriu, y nuna atmósfera acorde al samaín y a la nueche de difuntos. Pero la realidá ye que llevé una sorpresa pergrande.
📚Claudia ye la única superviviente de la so edá en Fresneda, un pueblu sumíu na más fonda tristeza desde que'l autobús nel que viaxaban tolos neños del pueblu nuna excursión desapaeció pa siempres na viesca. El responsable? Una lleenda millenaria que ta bien presente na vida y nel día a día de la xente de Fresneda.
😍Encantóme la importancia que l'autora-y dá a los personaxes y a los sos sentimientos. Faciendo pa min, desta obra, una novela sobremanera intimista que nos fala de duelu, de culpabilidá, de supervivencia... La rellación de Claudia colos sos pás paecióme brutal, la culpabilidá del superviviente, del que queda, del que se salvó, un tema bien interesante nel que nunca me pusiera a pensar...
Si vos presten les noveles atomosfériques, de misteriu, pero que nun den mieu, esta ye la vuesa!
#libros #instabook #asturianullingüaoficial #asturianu #bookstagram #books #lecturasrecomendadas #librosrecomendados #librerias #librosleyendas #yoescribonasturianu #yovivonasturianu
Ningún comentario:
Publicar un comentario