Día mundial de concienciación del autismu 📚

Güei, 2 d'abril, ye'l Día Mundial de Concienciación del autismu, y por eso quiero recomendavos dos llibros, unu infantil y otro pa persones adultes, que mos averarán al trastornu del espectru autista (TEA).

7 llibros de mitoloxía para la reciella

 

La mitoloxía forma parte de la nuesa cultura y de la nuesa sociedá, toes y toos conocemos llendes y mitos más averaos o de más llueñe, pero que formen parte de la tradición oral de cada pueblu, de cada país y de cada sociedá. Güei tríagovos 7 llibros para la reciella, que mos echen un gabitu pa trabayar los mitos y les lleendes. Dalgunos fálennos de mitoloxía asturiana, otros de mitoloxía nórdica, y otros de mitoloxía clásica, pero toos ellos son bien guapos y entreteníos:

"Fairy Oak" de Elisabetta Gnone

De neña prestábanme enforma les hestories afayaices de "Las Witch" , tenía varios llibros, la axenda, revistes... Y magar que nun recuerdo bien les hestories nin lo qu'asocedía tengo-y ciñu a esos personaxes (y eso que yo nun soy de lleer fantasía).
Y güei a la fin conseguí otros llibros de la mesma autora, y que tienen una pinta bien bona, amás les ediciones son una cucada, toi 😍😍😍 con ellos.

"La pequena oruga glotona" de Erick Carle

Bones! Güei tráigovos una de les cucades que tengo'n versión piquiñina. Ye'l perconocíu cuento de "La pequeña oruga glotona" de Eric Carle asoleyao pola editorial Kókinos.
Está disponible en dellos formatos (pop-up, álbum ilustráu, mini, cartoné...) y en delles llingües entre elles (galego y castellán).
 Esta hestoria fálanos dun guxán que tien muncha muncha fame, y que por más que come nun ye a fartucase, ye una hestoria bien senciella pero cola que podemos trabayar: los númberos, les frutes, los díes de la semana, los colores, los hábitos de comida saludables, y la metamorfosis.  Siii, to esto en menos de 15 páxinas!! Ye un llibru per recomedable que mos sirve dende bien pequeñinos, ya que como vos dixi,  podemos atopar delles ediciones en diferentes formatos adaptaos a cada edad.

Y vosotrxs tenéislo? Que vos paez?

"Páxines del diario de Simón" de Vicente García ya Inés Sanchez

Puntuación: 5/5

Páxines del diariu de Simón , ye una publicación de la editorial Pintar Pintar que podemos alcontrar n'asturianu y en castellán.
Nesti llibrín ilustráu alcontramos un garrapiellu páxines del diariu d'un neñu nomao Simón el cual cuéntanos la so vida y como conoz al so nuevu collacio y compañeru de clas Héctor, un nenu con autismo al que Simón y los sos compañeros entamarán a conocer y a comprender a midida que comparten hores de clas y xuegos.
Ye una hestoria guapa y senciella pa traballar cola reciella el tema de la diversidá y sobremanera l'autismo y que se familiaricen con esti tipu de situaciones, amás de visibilizar y normalizar esta situación y que haiga personaxes diversos nos cuentos infantiles.
Pa min ye un cuentu per recomendao pa la reciella, diríavos a partir de 5 añinos aprox, ya que tien testu enforma pa ser un álbum ilustráu. 

"Tía Clara" de Aida Falcón y Sandra de la Prada

 

Puntución 5/5

Tía Clara ye una gran viaxera a la que-y presta enforma percorrer el mundu, pero más-y presta llegar a casa y conta-y les aventures que vive'n cada viaxe a los sos sobrinos , y como non ellos tan naguando por que tía Clara torne y yos cuente hestories increibles y yos de dalgún regalino de la so máxica maleta azul.
Esti cuentín, asoleyao pola editorial Pintar Pintar, tresportome a alcordances de la mio infancia, al golor y el ruíu de les cafeteres faciendo café cuando hai visita, a los viaxes que sueñabas con facer de neña y tovía de adulta, a les ganes de descubrir y de que te contaren hestories que tovía conservo...
Ye una hestoria perguapa, con unes ilustraciones que a min encantáronme, enllenes de coloríu y ciñu... Totalmente recomendable, y amás n'asturianu!!! Que mas se-y puede pidir?

Colores poesía y arte

Güei tráigovos esti llibru , de M° Rosa Serdio y Esther Sánchez asoleyao pola editorial Pintar-Pintar que ye una obra que va dexavos ablucaos. La edición que yo tengo ye n'asturianu, y ye per guapa.
Nesti llibru améstase arte, poesía y colores, n'una publicación que a primer vista pué paecer bastante simple, pero a midída que avances y vas afondando nella vas atopando coses nueves y sorprendentes en cada páxina.

Como toi?

Güey atopé esti llibru ideal pa trabayar les emociones con les neñes y neños más peques.
Ye un llibru en páxines dures, pa que puedan manipular más fácil y ensín mancase asoleyau por ediciones Trabe, nel que se amuesen diferentes emociones y sentimientos, acompañaos de ilustraciones, pa que la reciella pueda aprender a identificales.

Dios mío! He perdido a mi abuela. Reseña

Coyí esti llibru con munches ganes, ye un llibru infantil-xuvenil pa llectores intermedios, que trata sobro un tema que me paecía bien interesante: Los nuesos mayores.
Nesti casu la hestoria de la nuesa protagonista, una moza que va pasar unos díes cola so güela al pueblu, obligada polos sos padres, y la güela desaparez.

"O Homen que Plantava Árbores" un llibru imprescindible na llingua que seya.

Esti fin de selmana, unes collacies que viven en Porto, fixéronme un regalu perprestosu, col que nun contaba, y que me finxo muncha ilusión.
Regaláronme esta edición, en Portugués, del fantásticu llibro del Home que plantaba árboles, del que yo tenía la edición Pop-up en castellán "El Hombre que plantaba árboles" de la editorial Duomo.

Suca y L'Osu. El llibru la Viesca II. Reseña.

Güei tráigovos esti álbum ilustráu nomáu "Suca y L'Osu" editao pola editorial "Pintar Pintar" , incluyíu na so colección "Llibros pa imaxinar". Esta editorial entamó con esta colección como rempuesta a la difícil situación pola que ta pasando l'asturianu y la so lliteratura. Editando llibros n'asturianu a un preciu baxu, pero de muncha calidá, faciéndolos accesibles a tol mundu.

El paxarín mancáu - Reseña

El paxarín mancáu ye un llibru espublizáu pola Academia de la Llingua Asturiana nel añu 1990 , ya incluyíu na colección Escolín , na estaya de llectura llápiz mariellu: dende los 4 años.

Nel Circu Lusu - Suburbia ediciones

"Nel Circu Lusu" ye un guapu llibru ilustráu, espublizáu por Suburbia Ediciones nel 2011.
La so autora ye Llucía Tejerina ya el so ilustrador Marcos Vigo.
Esta publicación tien 21 páxines, con lletra bien grandona, fácil de lleer, ya unes ilustraciones perguapes a tou color.

Telva y el fueu - reseña

Telva y el Fueu ye un cuentu espublizao pola editorial Trabe, nel añu 98, escrito por Miguel Rojo y que ta dientro de la colección "Montesín redrueyu" .
A pesar de ser un llibru que ya tien unos años, y que la edición, quiciabes pa dalgunos, nun sía tan espectacular como la d'otros llibros editaos nos caberos años, ye una hestoria bien guapa y con dellos valores detrás pa trabayar cola reciella.

El llibru la Viesca I - El Tíu Tanón, la Tía Tana y la Historia de Tanín. Reseña

Güei voi falavos d'esti álbum ilustráu perguapu nomáu "El Tíu Tanón, la Tía Tana, y la Historia de Tanín" y editao pola editorial "Pintar Pintar" , incluyíu na so colección "Llibros pa imaxinar". Esta editorial entamó con esta colección como rempuesta a la difícil situación pola que ta pasando l'asturianu y la so lliteratura. Editando llibros n'asturianu a un preciu baxu, pero de muncha calidá, faciéndolos accesibles a tol mundu.