Día mundial de concienciación del autismu 📚

Güei, 2 d'abril, ye'l Día Mundial de Concienciación del autismu, y por eso quiero recomendavos dos llibros, unu infantil y otro pa persones adultes, que mos averarán al trastornu del espectru autista (TEA).



1. El primeru ye un llibru infantil, de la editorial Pintar-pintar nomao "Páxines del diariu de Simón". Escritu por Vicente García ya ilustráu por Inés Sánchez.

Esti llibru podeis alcontralo tanto n'asturianu como en castellán. Ye un cuentu curtiu, pero que tien bastante testu pa ser un álbum ilustráu, yo recomendaríalo a apartir de 5 añinos aprox.
Nesta publicación alcontraréisvos un garrapiellu páxines del diariu d'un neñu nomao Simón, el cual va contanos la so vida y como conoz al so nuevu compañeru de clas Hector, un neno con TEA al que Simón y los sos amigos entamarán a conocer y comprender a midida que comparten hores de clas y xuegos.
Ye una hestoria bien guapa y senciella pa traballar o averar a la reciella el tema de la diversidá, y sobremanera de xeitu particular el trastornu del espectru autista, y que se familiaricen con esti tipu de situaciones, amás de visibilizar y normalizar la diversidá de personaxes nos cuentos infantiles.
Les ilustraciones del cuentu son mui divertides y seguro que-y van a prestar a les neñes y neños que lo llean.

2. El segundu llibru, ye pa persones adultes, titúlase "Alguien el algún lugar" de Donna Williams

Esti llibru tá escritu por Donna Williams (1963) que foi diagnosticada ya d'adulta, nel añu 90 de TEA.
Esti llibru ye la selgunda parte del so primer llibru "Nadie en ningún lugar"  pero pueden lleese de xeitu individual.

Nesta publicación l'autora fálanos de la so esperiencia vital de vivir con esta condición y de les diverses realidades que alcontramos ente la xente con TEA. Les descripciónes que fai Donna d'un xeitu maxistral sírvennos para averanos meyor a lo que ye vivir con autismu, los retos colos que se alcuentran nel so día a día, y la so llucha por baltar prexuizos y vivir una vida plena y feliz.

El llibru está recomendao pa tolos públicos, tanto para profesionales (mayestres/os, psicólogues/os, etc) como pa familiares de xente con TEA o persones en xeneral que quieran averase más a este tema.

Espero que vos animeis a lleer dalgún d'ellos y que me comenteis que ye lo que vos paecieron.
Un besu!!