🐱"El gato que amaba los libros" ye una especie de fábula, ambientada en Xapón, que pretende facenos reflexionar sobre los hábitos de llectura que tenemos angüaño, sobre'l mundu editorial, y sobre la prisa que tenemos siempres na vida, inclúso a la hora de lleer.
😢Tenía les expectatives altísimes con esti llibru, y la verdá que me decepcionó un poco. Nun puedo dicir que fora una llectura mala, en cuantes a que nun me gustara nada, pero quedóseme mui mui floxina, y senciella de más. Recomendaríala pa un públicu xuvenil (15, 16 años), ya que ye'l típicu llibru d'aventures, con dalgo de maxia y fantasía al estilu Alicia nel país de les maravíes, pero más cutre en cuanto a trama y personaxes.
✒️ La idea ye bona, y les situaciones surrealistes que se plantegaben al rodiu de los hábitos llectores paeciéronme diverties, pero la trama quédase demasiado senciella pa un públicu adultu.
🐱Pol títulu, pola sinopsis, y pola trama, creo que'l gatucu, y la llibrería que sirve d'escenariu pa tol llibru deberíen tener más pesu, tar más presentes, tener más cuerpu... nun se, cáeseme per tolos llaos. 🥺
📚Tovía asina, si quieres una llectura llixera, que nun esperes que te de más qu'entretenimientu, puede tar bien pa lleer mientres tomes el sol 🙃🌞
Pd: lo meyor d'esti llibru ye poder presumir de gatuco 😋💜
Ningún comentario:
Publicar un comentario