El nuesu abellugu en ruines - Rellatu d'Eva Cameán

Sentaes baxo la solombra d'un vieyu carbayu, detrás d'esta particular casa ya ensin vida, imaxinábemos como sería el nuesu futuru. Tú, una tienra moza de güeyos prietos y piel del color de la lleche, que contrasta col mio cuerpu escuru color café, y que crea un guapu tapiz de colores cuando nos abrazamos. Yo, una xoven con ganes de comer el mundiu y derribar toles muries que alcontráramos al nuesu pasu.

⚡ Entrevista rescamplu a Xuan Bello ⚡

Xuan Bello (1965, Paniceiros) ye un de los escritores más destacaos de la lliteratura contemporanea en llingua asturiana, y unu de los principales animadores de la lliteratura asturiana gracies a les sos tornes, especialmente d'autores portugueses. 

Tien delles collaboraciones y publicaciones con revistes y periódicos como El Comercio, La Nueva España, Les noticies,  Clarín, Zimbru y Adréi, y ye cofundador de les dós últimes xunto con Esther Prieto y Berta Piñan respeutivamente.

En 2003 algamó'l Premiu Ramón Gómez de la Serna gracies al so llibru Hestoria Univeral de Paniceiros, na so edición en castellán, y esto supuso-y un gran saltu a nivel nacional.

Nel añu 2017, alzóse col Premiu Nacional de Lliteratura Asturiana, entamao pola Academia de la LLingua Asturiana. El xuráu destacó la calidá y relevancia de la so trayeutoria lliteraria que xugó un papel fundamental na dignificación de la lliteratura asturiana. 

La so obra ta compuesta por noveles, poemarios, ensayos, cuentos y tornes siendo uno de los autores más prolíficos d'Asturies.

⚡ Entrevista rescamplu a Raquel F. Menéndez ⚡

Raquel F. Menéndez (Vallouta, Salas, 1993) ye una escritora asturiana, graduada en Llingua Española y la so lliteratura pela Universidá d'Úvieu. Raquel escribi tanto en castellán como n'asturianu, algamando delles distinciones en dambes llingües.

⚡⚡ Entrevista rescamplu a Jose Manuel Menéndez ⚡⚡ 🌍 Día de la Tierra, 22 d'abril 🌍

Bones llectores, güei tráigovos una entrevista rescamplu diferente a les demás, ya que normalmente están feches a escritores y persones rellacionaes col mundu lliterariu. Pero güei, 22 d'abril ye'l día internacional de la Tierra, y por eso quería face-y una entrevista a dalguien rellacionao cola protección del medioambiente y la cultura. Voi presentávoslo:

⚡ Entrevista rescamplu a Jose Ángel Gayol ⚡

Jose Ángel Gayol (Mieres, 1977) ye un ensayista, poeta, narrador y críticu lliterariu en llingua asturiana y castellana, del que podemos alcontrar delles reseñes y artículos en diarios como La Nueva España o publicaciones como esTandoriu, Formientu, Clarín, Reloj de Arena ente otres... 

 📚 Jose Ángel tien diferentes publicaciones asoleyaes en dellos xéneros lliterarios, na so obra poética destaquen llibros como El llibru de les coses misterioses (2013), Los suaños y los dies (2014) o Una selmana y otros díes (2015), nel xéneru teatral Ensín noticies del fin del mundu (2011), na narrativa tenemos la so obra Argonautes (2007), y nel xéneru ensayísticu les obres Vértigu (2016), Exercicios d'asturianu (2016) y el so últimu llibru En primera persona (2019).

🏆 Algamó dellos premios como El premiu Asturies Xoven de testos teatrales , nel añu 2010 cola so obra Ensín noticies del fin del mundu. Al añu siguiente, nel 2011 fíxose colos premios Elvira Castañón, y Fernán Coronas. Nel 2012 algamo´l premiu Xuán María Acebal de poesía, nel 2015 el premiu Fuertes Adevedo de ensayu, y foi nel añu 2018 cuando ganó'l II concursu de rellatos curtios Xosé Caveda y Nava.

⚡ Entrevista rescamplu a Nicolás Bardio ⚡

Nicolás Bardio ye un escritor d'Uviéu (1987) llicenciáu en ciencies polítiques pola Universidá Complutense de Madrid.

 📚Nicolás tien diferentes publicaciones asoleyaes, como Sol Reló (Trabe editorial), Cuando ensamen les abeyes (Suburbia ediciones), y La Colomina 36, obra cola qu'algamó'l premiu Asturies Xoven de Narrativa nel añu 2019 🏆

📚 Participó tamién en publicaciones collectives como revistes (Formientu, Estandoriu...) y en llibros como Vía de Serviciu (Suburbia ediciones), y Fecho na Cuarentena (Radagast ediciones).

Ye'l creador de "Depués d'ochobre" el primer xuegu de rol n'asturianu, ambientáu nuna Asturies soviética nel 1970.

"Cartes nel horru" d'Inaciu Galán ✉

Bones llectores!!

Güei vengo a falavos d'un llibru que rematé estos díes de lleer y que me prestó muncho, ye'l nuevu llibru de rellatos escritu por Inaciu Galán y asoleyau por Cuatro Gotes ediciones. Déxovos primero la sinopsis.

Día mundial de concienciación del autismu 📚

Güei, 2 d'abril, ye'l Día Mundial de Concienciación del autismu, y por eso quiero recomendavos dos llibros, unu infantil y otro pa persones adultes, que mos averarán al trastornu del espectru autista (TEA).

⚡ Entrevista rescamplu a: Pablo Rodríguez Medina ⚡

Pablo Rodríguez Medina ye un escritor de L'Entregu, Llincenciáu en Filoloxía hispánica, y especialista en filoloxía asturiana.  📖

La so obra ta compuesta por publicaciones en castellán y n'asturianu, cultivando dellos xéneros lliterarios y algamando delles distinciones tanto n'Asturies como a nivel estatal.

📚 Ente les sos obres n'asturianu podemos alcontrar llibros infantiles/xuveniles como Tapín de Picupáu (ALLA), Ello ye too la xente que nun mos compriende (ALLA); obres teatrales como Orbaya, Cantu de gaviotes o El Santu (ALLA, coleición mázcara de teatru); Poemarios como Tiempu d'esiliu y povisa ayenu (Ediciones Trabe), o Mil desiertos llugares (Impronta); y Noveles o publicaciones de rellatos como Fame d'amor determín de pasión (Trabe), Vivir ensín probalo (ALLA ), Les vueltes, toles vueltes (ALLA), y tamién participó en delles publicaciones colectives como Vía de Serviciu (Suburbia), Camín de Bimenes (Xébana).

7 llibros de mitoloxía para la reciella

 

La mitoloxía forma parte de la nuesa cultura y de la nuesa sociedá, toes y toos conocemos llendes y mitos más averaos o de más llueñe, pero que formen parte de la tradición oral de cada pueblu, de cada país y de cada sociedá. Güei tríagovos 7 llibros para la reciella, que mos echen un gabitu pa trabayar los mitos y les lleendes. Dalgunos fálennos de mitoloxía asturiana, otros de mitoloxía nórdica, y otros de mitoloxía clásica, pero toos ellos son bien guapos y entreteníos:

"Páxines del diario de Simón" de Vicente García ya Inés Sanchez

Puntuación: 5/5

Páxines del diariu de Simón , ye una publicación de la editorial Pintar Pintar que podemos alcontrar n'asturianu y en castellán.
Nesti llibrín ilustráu alcontramos un garrapiellu páxines del diariu d'un neñu nomao Simón el cual cuéntanos la so vida y como conoz al so nuevu collacio y compañeru de clas Héctor, un nenu con autismo al que Simón y los sos compañeros entamarán a conocer y a comprender a midida que comparten hores de clas y xuegos.
Ye una hestoria guapa y senciella pa traballar cola reciella el tema de la diversidá y sobremanera l'autismo y que se familiaricen con esti tipu de situaciones, amás de visibilizar y normalizar esta situación y que haiga personaxes diversos nos cuentos infantiles.
Pa min ye un cuentu per recomendao pa la reciella, diríavos a partir de 5 añinos aprox, ya que tien testu enforma pa ser un álbum ilustráu. 

"Tía Clara" de Aida Falcón y Sandra de la Prada

 

Puntución 5/5

Tía Clara ye una gran viaxera a la que-y presta enforma percorrer el mundu, pero más-y presta llegar a casa y conta-y les aventures que vive'n cada viaxe a los sos sobrinos , y como non ellos tan naguando por que tía Clara torne y yos cuente hestories increibles y yos de dalgún regalino de la so máxica maleta azul.
Esti cuentín, asoleyao pola editorial Pintar Pintar, tresportome a alcordances de la mio infancia, al golor y el ruíu de les cafeteres faciendo café cuando hai visita, a los viaxes que sueñabas con facer de neña y tovía de adulta, a les ganes de descubrir y de que te contaren hestories que tovía conservo...
Ye una hestoria perguapa, con unes ilustraciones que a min encantáronme, enllenes de coloríu y ciñu... Totalmente recomendable, y amás n'asturianu!!! Que mas se-y puede pidir?

Reseña Todo Ese Fuego. Ángeles Caso

PUNTUACIÓN: 4,5/5

Opinión:

Güei vengo falavos d'esti fantásticu llibru de Ángeles Caso, nomao Todo Ese Fuego y espublizao pela Editorial Planeta (la que vos traigo güei nes semeyes ye la edición de bolsu de booket).
Esti llibru novelado fálanos de la vida de les xenuines hermanes Brontë, tres hermanes escritores , que s'enfrentaron a tou tipu de penalidaes durante tola so vida, y que rellumaron na literatura universal magar ser callaes na so dómina pol simple fechu de ser muyeres.

Colores poesía y arte

Güei tráigovos esti llibru , de M° Rosa Serdio y Esther Sánchez asoleyao pola editorial Pintar-Pintar que ye una obra que va dexavos ablucaos. La edición que yo tengo ye n'asturianu, y ye per guapa.
Nesti llibru améstase arte, poesía y colores, n'una publicación que a primer vista pué paecer bastante simple, pero a midída que avances y vas afondando nella vas atopando coses nueves y sorprendentes en cada páxina.

carbón

Pozos que cierren.
Cases vacíes.
Y La hestoria de los pueblos... de la só xente, queda soterrada debaxo d'escombro, de capes de carbón que naide nun va picar.
La mina nun muerre. Mátenla.
La xente nun abandona'l so pueblu, oblíguen-y a facelo.
El rural queda ensín vida.
Pero'l arguyu mineru, la memoria colectiva, la hestoria d'un llugar sigue viva mientres el pueblu recuerde, la xente fale, y los llibros nazan y asoleyen, llegando a les manes de quien quiera ver aportar un clarión de lluz pente'l cielu ñuble.

Como toi?

Güey atopé esti llibru ideal pa trabayar les emociones con les neñes y neños más peques.
Ye un llibru en páxines dures, pa que puedan manipular más fácil y ensín mancase asoleyau por ediciones Trabe, nel que se amuesen diferentes emociones y sentimientos, acompañaos de ilustraciones, pa que la reciella pueda aprender a identificales.

Suca y L'Osu. El llibru la Viesca II. Reseña.

Güei tráigovos esti álbum ilustráu nomáu "Suca y L'Osu" editao pola editorial "Pintar Pintar" , incluyíu na so colección "Llibros pa imaxinar". Esta editorial entamó con esta colección como rempuesta a la difícil situación pola que ta pasando l'asturianu y la so lliteratura. Editando llibros n'asturianu a un preciu baxu, pero de muncha calidá, faciéndolos accesibles a tol mundu.

El paxarín mancáu - Reseña

El paxarín mancáu ye un llibru espublizáu pola Academia de la Llingua Asturiana nel añu 1990 , ya incluyíu na colección Escolín , na estaya de llectura llápiz mariellu: dende los 4 años.

Nel Circu Lusu - Suburbia ediciones

"Nel Circu Lusu" ye un guapu llibru ilustráu, espublizáu por Suburbia Ediciones nel 2011.
La so autora ye Llucía Tejerina ya el so ilustrador Marcos Vigo.
Esta publicación tien 21 páxines, con lletra bien grandona, fácil de lleer, ya unes ilustraciones perguapes a tou color.

Telva y el fueu - reseña

Telva y el Fueu ye un cuentu espublizao pola editorial Trabe, nel añu 98, escrito por Miguel Rojo y que ta dientro de la colección "Montesín redrueyu" .
A pesar de ser un llibru que ya tien unos años, y que la edición, quiciabes pa dalgunos, nun sía tan espectacular como la d'otros llibros editaos nos caberos años, ye una hestoria bien guapa y con dellos valores detrás pa trabayar cola reciella.