Nel Circu Lusu - Suburbia ediciones

"Nel Circu Lusu" ye un guapu llibru ilustráu, espublizáu por Suburbia Ediciones nel 2011.
La so autora ye Llucía Tejerina ya el so ilustrador Marcos Vigo.
Esta publicación tien 21 páxines, con lletra bien grandona, fácil de lleer, ya unes ilustraciones perguapes a tou color.


El cuentu ta escritu en versu, n'asturianu, y ye fácil d'entender pa les neñes y neños dende ceo.
La so protagonista ye Sira, una neña soñadora, que ta deseosa por dir al circu.
Dempués d'insistir en forma, a la fin consíguilo y queda ablucada con tolos espectáculos que allí ve: los trapecistes, el magu, los funambulistes... Foi una experiencia bien bona pa Sira, qu'a toles neñes y neños yes presta vivir, polo que-yos presta lleer nel cuentu, coses sobre los artistes de circu.
Un llibru guapu, bien editáu y prestoso pa lleer coles más pequenes/os.