Colores poesía y arte

Güei tráigovos esti llibru , de M° Rosa Serdio y Esther Sánchez asoleyao pola editorial Pintar-Pintar que ye una obra que va dexavos ablucaos. La edición que yo tengo ye n'asturianu, y ye per guapa.
Nesti llibru améstase arte, poesía y colores, n'una publicación que a primer vista pué paecer bastante simple, pero a midída que avances y vas afondando nella vas atopando coses nueves y sorprendentes en cada páxina.





El llibru ye una auténtica obra d'arte en si mesmu, pero amás ta enllenu de alusiones a obres de reconocíu prestixiu.
El so tema principal son los colores, polo que primero preséntasenos el nome del color del que va falar de siguío, y nesa mesma páxina apaez rellacionao con una ilustración na que predomine esi mesmu color.
Aquí ye onde atopamos alusiones clares a obres d'arte pretixioses como las que vos amueso nes semeyes:

Mariellu 🐥: La siesta de Van Gogh
Azul 🐋: Bar del Folies Bergère, Manet
Verde 🦎: Les Olives , Van Gogh
Marrón🐌 : Seronda Vascongada, Darío Regoyos.
Dempués de presentanos el color, na siguiente páxina, atopamos otra ilustración diferente, pero na que tamién predomina'l color a trabayar y una poesía que nos fala del mesmu.

Nel llibru atopamos munches más alusiones a obres d'arte, rellaciones ente los colores y diferentes temátiques, que faen desta obra un diamante en brutu que nos dexa imaxinar y xugar con los colores, con les formes, con les emociones, y sobre too que nos da la posibilidá de trabayar de xeitu tresversal munches temes y conteníos.

Ye un llibru per recomendable y bien prestoso pa lleer en casa o pa trabayar con él en grupu.