Reseña Todo Ese Fuego. Ángeles Caso

PUNTUACIÓN: 4,5/5

Opinión:

Güei vengo falavos d'esti fantásticu llibru de Ángeles Caso, nomao Todo Ese Fuego y espublizao pela Editorial Planeta (la que vos traigo güei nes semeyes ye la edición de bolsu de booket).
Esti llibru novelado fálanos de la vida de les xenuines hermanes Brontë, tres hermanes escritores , que s'enfrentaron a tou tipu de penalidaes durante tola so vida, y que rellumaron na literatura universal magar ser callaes na so dómina pol simple fechu de ser muyeres.


La novela sirve para pescudar más datos sobre les sos vides, cargaes de desgracies como la muerte de la so madre, la perda de dos de les sos hermanes pequeñes, la probeza na que vivíen, l'alcoholismu, el machismu de la dómina... Pero tamién para averanos a les sos obres y ser quien d'entendeles meyor, alcontrando nelles munchos datos biográficos de les propies autores como anécdotes y vivencies qu'elles mismes vivieron.

El llibru fué quien d'averame a les autores y a descubrir el so cálter, toes elles diferentes pero con munches coses en común como l'amor pola escritura, la pasión, les ganes d'aprender y sobre too ese fueu interior que rellumaba en toes elles. Les pasiones prohibíes que teníen que reprimir pa nun ser mal vistes pola sociedá, les ganes d'amar y ser amaes, d'una forma sana y que-yos permitiera siguir siendo independientes y llibres. Dalgo impensable na so dómina.

Esta novela, per fácil de lleer y bien prestosa, amuésanos a tres muyeres valientes e inconformistes, con un altu sentíu de la responsabilidá y un gran respetu pola unidá familiar, que se caltuvieron xuníes dándose vida y lluz les unes a les otres. Arrodiaes d'una sociedá machista y patriarcal, na que toes les muyeres yeren silenciaes y apostraes nel entornu domésticu, les llabores d'educación, curiaos... y siendo mal visto que participaren y cultivaren el gustu pela escritura, la política etc Esto fizo que les hermanes tuvieren munches duldes a la hora de enseña-y al mundu les sos obres, ya que teníen mieu de ser xulgaes y despreciaes, sobremanera Emily, que tenía un calter más vergonzosu.

Por esti motivu decidieron entamar a espublizar les sos obres con pseudónimos que nun dexaren claru si yeren homes o muyeres.

Charlotte Brontë algamó un reconocimientu inmediatu pola crítica cola so obra Jane Eyre, nun siendo asina les obres de les sos hermanes, que tardaron dellos años en ser reconocíes, y qu'elles nun llegaron a ver el éxitu de les mismes ya que morrieron siendo bien moces.

Foi a los pocos años d'elles morrer cuando Charlotte, la única superviviente de los 6 hermanos, decidió cuntar la verdá y desvelar les sos identidaes reales.
Esti llibru ye perfecto para saber más sobre les hermanes Brontë y para comprender meyor les sos obres, y dándote más ganes de lleeles para afayar la so verdadera esencia, la so verdad interior, los sos pensamientos y les sos vivencies.

Bien bien recomedable! Una llectura factastica! 👌