La mitoloxía forma parte de la nuesa cultura y de la nuesa sociedá, toes y toos conocemos llendes y mitos más averaos o de más llueñe, pero que formen parte de la tradición oral de cada pueblu, de cada país y de cada sociedá. Güei tríagovos 7 llibros para la reciella, que mos echen un gabitu pa trabayar los mitos y les lleendes. Dalgunos fálennos de mitoloxía asturiana, otros de mitoloxía nórdica, y otros de mitoloxía clásica, pero toos ellos son bien guapos y entreteníos:
1. Una Mitología. Ed: Pintar-Pintar pvp: 18,00 euros
Llibru en castellán, ilustráu, que mos avera a la mitoloxía del norte de la península Ibérica (dende Galiza a Euskadi) y que mos fala de personaxes como El busgosu, El coco, La bruxa, El Huerco, Freba etc
Cada ilustración está acompañada dun testín, o poema que mos fala del personaxe en cuestión, y d'una forma amena sírvenos pa conocer les pculiaridades de cada unu d'ellos.
2. Mitoloxía Asturiana pa la reciella. Grupu Epona. pvp. 15,00 euros
Esti llibru, n'asturianu, tráenos tamíen les hestories de los personaxes más destacaos de la mitoloxía asturiana. Está compuestu de dibuxos, cantares, y rellatos, de cada unu de los personaxes, y amás, al final del llibru tráenos unes xeres que faen tovía más interesante la publicación. Pa trabayales en casa, o incluso pa facer con grupos.
3. El Hilo de Ariadna. Editorial Maeva. PVP: 29.90 euros
Esti ye un llibru espectacular, en formatu, conteníos y tamaño. Ye un llibru bien grande, con una edición de luxu, para toes eses persones que alloriamos colos llibros.
Al travies de les sos páxines vamos faciendo un percorríu pola Grecia clásica, y conociendo los sos mitos, colos cualos, los antiguos griegos intentaban esplicar coses como la orixe del ser humanu, del mundu, la forma na que esti se rixe etc...
El llibru proponnos deprender dun xeitu bien risonderu: Resolviendo llaberintos, al par que vamos lleendo la información que mos trae en cada ún d'ellos.
4. Coleición "Bestias del Olimpo". Editorial: La galera. Pvp: 9.95
Esta ye una colección de llibros, pa llectores autónomos (+7años), ambientada na antigua Grecia clásica. Esti mes salió el postreru título (por el momentu) que ye La escuela de Centauros, y ya hai otros 4 títulos más que se sumen a la coleición. Al traviés de hestories risonderes, que tienen como protagonista a Pandemonio, un pequeñu d'onde años fillo d'un semidios. Gracies a les aventures que va viviendo, la reciella dirña conociendo a dellos personaxes mitolóxicos d'una forma bien amena.
5. La Historia de Atenea. Ed: Astronave. PVP: 15.95 euros
La historia de Atenea ye un llibru, en castellán, para nenas/os a partir de 9 añinos aprox. Ye más bien una novela gráfica, de gran formatu , ilustrada con munches viñetes, dibuxos e infografíes... Nel cuéntasenos la vida ya aventures de una de les dioses griegues más fascianntes:Atenea. El llibru ta enllenu de lluches, monstros, apuestes y munches curiosidaes que van facer que seya bien amenu de lleer.
6. Las Historias mas bellas de la antigua Roma. Ed: Gribaudo. PVP: 14.90
Esta ye una antoloxía magnífica de dalgunes de les lleendes más famoses de la antigua Roma, que tan narraes como cuentos, acompañaos d'ilustaciones. Dende Rómulo y Remo, La rebelión d'Espartaco etc
Un llibru bien guapu para iniciase na mitoloxía romana.
7. Las Historias más bellas de la mitología Griega. Ed: Gribaudo. Pvp: 9.95
Esti ye otru exemplu más, d'un llibru guapu y senciellu pa averase a la mitoloxía griega. Está completamente ilustráu per dientru, y les lleendes, magar estar adaptaes y "suavizaes" pa la reciella, están bastante bien contaes, y nun están tremendamente acortaes, ye un llibru d'unes 200 páxines, pero narrao dun xeitu senciellu que facilita la llectura pa les más pequeñes/os
Nagüo por que vos prestara esta pequena escoyeta de dalgunos llibros que conozo sobre mitoloxía y leendes, y espero los vuesos comentarios si conoceis dalgunu más que seya interesante!
Gracies por lleeme! besinos!
Ningún comentario:
Publicar un comentario