❤️🩹Tengo que reseñar esti llibru como si non fora de Rosa Montero, porque en realidá ta escritu a cuatro manes, y eso nótase, nótase munchísimo.
💫"La desconocida" ye una novela curtia de misteriu, escrita nun tiempu récord por Rosa Montero y Olivier Truc pa'l festival Quais du Polar. La idea de la trama y los capítulos impares son obra de Rosa Montero, y los pares del escritor francés. La idea de la novela paezme bien orixinal, una moza apaez nun contenedor de mercanciés, con total y absoluta amnesia, nun sabe quién ye, d'ónde vien y quién pudo intentar matala, pero poco a poco dase cuenta de que tien unes habilidaes y unes conocencies bien pocos habituales n'una persona normal.
📚 Los capítulos impares engabitáronme enforma, afondando na psicoloxía de los personaxes, y n'especial de la protagonista, al estilu de les noveles de Rosa Montero, sicasí, los capítulos pares taben llenos de clichés, y paecíen sacaos d'una película mala de sábadu pela tarde... El final foi bien obviu, y tantu yo, como les persones coles que falé que lleeron el llibru, descubrimos lo que asocedió casi al entamu, lo que-y quita un poco la gracia.
🖋️Tovía asina, foi una novela entretenida, curtia, para lleer ensin más pretensiones, na que te atopes cola pluma de Rosa Montero durante los sos capítulos y cola idea de la trama, pero que para min acoxia enforma nel restu...
Ningún comentario:
Publicar un comentario