"Lady Susan" de Jane Austen

 

Nun me gusta ser categórica, pero...

 Definitivamente, creo que nun conecto con Jane Austen. Espero que nun me tireis un regodón a la cabeza. 

📚 Vengo de lleer estos díes Lady Susan, una novela epistolar mui curtia, que nun ye de les más conocíes de l'autora. (Tengo que dicir que lleí va un par d'años Emma, y que intenté, ensín ésitu, lleer Orgullo y Prejuicio 3 veces na mió vida pero tovía lu tengo a medio acabar.), Nun ye que nun me gusten, toes elles tienen momentos divertios, diálogos espléndidos... pero nun soi quien de ver esa maxia que ve'l resto'l mundu. 😭 Fáigome siempres un llío colos personaxes, tengo que acabar faciendo un árbol xenealóxicu pa saber quien ye quien, les trames en delles ocasiones son lentísimes, y la hestoria nun tira por min pa siguir lleendo.De toos, Emma foi el que más me prestó, pola trama.

🖊️ Sicasí hai otros clásicos que me presten enforma, pero con Jane Austen toi mui frustrada 😂 Dame casi vergoña dicilo, pero ye asina... Definitivamente, dare-y una última oportunidá con "Persuasión", y si nun me presta, tendré que asumir qu'esta autora nun ye pa min 🤷🏽‍♀️

Fans de Jane Austen, nun me mateis. 😂