Viaxe a la lluz. Ruma Barbero. Reseña

Güei préstame compartir con vós esti cómic escrito ya ilustrau por Ruma Barbero, y que foi editao por Suburbia Ediones.
El Viaxe a la Lluz ganó'l VII premiu Alfonso Iglesias de cómic nel 2015, que convoca la Conseyería d'Educación y Cultura del Principáu.



Ruma Barbero ye uno de los fundadores del grupu musical Felpeyu. Ye per conocio nel mundu musical d'Asturies ,non solo como músicu, si non como lletrista de grupos como Tejedor, Felpeyu, Aire etc.
L'autor ye tamién referente nel mundu del cómic, ya que ye dibuxante y cofundador de la editorial "Cactus Cómics".
Tién publicaos dalgunos títulos como "Manzajú", "Faciendo l'indio", ente otros, y tien participao en publicaciones como El Comercio, L'anuariu de la música asturiana, y ye miembro fundador de la revista satírica Fundición Príncipe de Astucias, ente otres.
Nesti llibru, Viaxe a La Lluz, Ruma cuenta una hestoria basada no que sintió dende guah.e en so casa sobre los últimos fugaos d'Asturies, nos montes de Ponga.
Ye quien de amosanos escenes cotidianes que vivía la xente nel so día a día en cualquier pueblu d'Asturies, con escenes cargaes de mieu, opresión y violencia.
La novela entama a tou color nes primeres páxines, n'una especie de prólogu, pa dempués pasar a escenes de color anaranxáu cuando la hestoria ye de día, y color morau cuando la hestoria ye de nueche. Nel final del llibru, torna el color, albidriando esperanza y sueños que Falo, el protagonista del llibru, contaxia a los sos vecinos.
Na novela amuésense de siguíu les dos aguaes, per un llau, el calter bonal de muncha xente, ente ellos de Falo, qu'intenten echar un gabitu a los fugaos y a les sos families, llegando a arriesgar les sos vides por ellos. Como cuando Falo agospia a un fugao na so cabaña del monte. Y per otru llau el mieu de la xente a que, non solo la Guardia Civil, sinón cualquier vecín , podía nun momentu dau, acusar a daquién y metelu nun problema bien seriu.
Una novela prestosa, de llectura fácil, que nos tresporta a la década de los 40-50 , y a ponenos nel llugar de les families que vivieron la solombra d'estos años.
Déxovos unes semeyes del interior del llibru. Y un enllaz a un video nel que vereis ilustraciones del mesmu.

Video viaxe a lla luz