En apenes 50 páxines, Stefan Zweig somórguianos nun delicáu rellatu que nos averará a la tráxica hestoria de Mendel el de los libros, un vieyu llibreru que vivía por y pa los llibros, un personaxe principal que formaba ya parte de la hestoria y conxunto del café vienés Gluck, onde pasaba díes, hores, selmanes, meses y años sentáu na so mesa cuadrade, de mármol, memorizando datos sobre llibros (títulos, precios, fecha de publicación, ediciones disponibles...) hasta convertise nun xeniu únicu al que tol mundu recurría cuando necesitaben que-y echaren un gabitu pa alcontrar un llibru que necesitaben, hasta que nel añu 1915 ye unviáu a un campu de concentración al ser acusáu de collaborar colos enemigos del Imperiu Austrohúngaro.
Nesti breve rellatu reflexivu y intimista abórdense temes como l'almiración, l'esfuerzu, la pasión, y sobremanera l'olvidu. El propiu narrador dase cuenta al principiu de la hestoria de que él mesmu escaeció a Mendel el de los libros durante años, y ye agora al tornar a esi mesmu café cuando echa de menos la so ausencia y descubre que casi tol mundu se escaeció de tan maraviyoso personaxe como yera Mendel y que apenes queda nada de la so hestoria y trayectoria.
"𝒀𝒐, 𝒆𝒏 𝒄𝒂𝒎𝒃𝒊𝒐, 𝒎𝒆 𝒉𝒂𝒃í𝒂 𝒐𝒍𝒗𝒊𝒅𝒂𝒅𝒐 𝒅𝒆 𝑴𝒆𝒏𝒅𝒆𝒍 𝒆𝒍 𝒅𝒆 𝒍𝒐𝒔 𝒍𝒊𝒃𝒓𝒐𝒔 𝒅𝒖𝒓𝒂𝒏𝒕𝒆 𝒂ñ𝒐𝒔. 𝑷𝒓𝒆𝒄𝒊𝒔𝒂𝒎𝒆𝒏𝒕𝒆 𝒚𝒐, 𝒒𝒖𝒆 𝒅𝒆𝒃í𝒂 𝒔𝒂𝒃𝒆𝒓 𝒒𝒖𝒆 𝒍𝒐𝒔 𝒍𝒊𝒃𝒓𝒐𝒔 𝒔𝒐𝒍𝒐 𝒔𝒆 𝒆𝒔𝒄𝒓𝒊𝒃𝒆𝒏 𝒑𝒂𝒓𝒂, 𝒑𝒐𝒓 𝒆𝒏𝒄𝒊𝒎𝒂 𝒅𝒆𝒍 𝒑𝒓𝒐𝒑𝒊𝒐 𝒂𝒍𝒊𝒆𝒏𝒕𝒐, 𝒖𝒏𝒊𝒓 𝒂 𝒍𝒐𝒔 𝒔𝒆𝒓𝒆𝒔 𝒉𝒖𝒎𝒂𝒏𝒐𝒔"
Una llectura impecable que nos avera al amor incondicional polos llibros, al escaecimientu, a la memoria, a la crueldá humana, a la falta de compasión, y a como los llibros-y aportaron tanto na vida del protagonista y a la so vez foron los causantes de quita-y lo poco que tenía.
Mui recomendable.
Ningún comentario:
Publicar un comentario