📚Va unos díes terminé de lleer Carcoma, y ensín dulda puedo asegurar que ye una de les meyores llectures d'esti añu.
Sorprendióme enforma la trama, y como una casa puede ser la protagonista principal d'una hestoria ensín falta de munchu más.
Carcoma fálanos d'odiu, de clasismu, de solombres, de pantasmes pero sobremanera de venganza.
Al igual que'l bichín que da títulu a la obra, l'odiu ye quien de comenos per dientru y de crear furacos no mas fondero de nós.
🖊️La hestoria, en gran parte autobiográfica, ta narrada por dos voces. Nieta y güela cuéntannos la hestoria de la so vida, y como'l odiu les acompañó xeneración tres xeneración faciendo que la misteriosa casa na que viven les fora absorviendo cada vegada más, somorguiéndoles na soledá y faciendo que se sientan al pasu del tiempu más alloñaes de'l restu de la xente.
Paez imposible escapar d'esa casa, y sobremanera d'una "herencia" vital o destinu familiar que paez tar escritu.
Los santos, les pantasmes, los fervinchos curativos o pa quitar el mal de güeyu... Toa esa carga inmaterial que les nueses güeles viviero, ya munches practicaron, entemécense con estos rellatos de vides dures e inxustes, con hestories que nun siempre acaben bien, con odiu, con venganza.
🖤Una llectura mui recomendable, y que pienso que puede sorprendevos. Namás acabar de lleela entamé a restolar per internet buscando más información sobre l'autora, que llibros tien publicaos etc y alcontréme con que parte de la hestoria ta basada en fechos reales. La casa protagonista ye la casa de so güela, dalgunos personaxes como'l bisgüelu y la propia güela tan basaos nos sos propios familiares. Detallinos que me ficieron sorprendeme tovía más y namorame completamente d'esti llibru.
Sorprendióme enforma la trama, y como una casa puede ser la protagonista principal d'una hestoria ensín falta de munchu más.
Carcoma fálanos d'odiu, de clasismu, de solombres, de pantasmes pero sobremanera de venganza.
Al igual que'l bichín que da títulu a la obra, l'odiu ye quien de comenos per dientru y de crear furacos no mas fondero de nós.
🖊️La hestoria, en gran parte autobiográfica, ta narrada por dos voces. Nieta y güela cuéntannos la hestoria de la so vida, y como'l odiu les acompañó xeneración tres xeneración faciendo que la misteriosa casa na que viven les fora absorviendo cada vegada más, somorguiéndoles na soledá y faciendo que se sientan al pasu del tiempu más alloñaes de'l restu de la xente.
Paez imposible escapar d'esa casa, y sobremanera d'una "herencia" vital o destinu familiar que paez tar escritu.
Los santos, les pantasmes, los fervinchos curativos o pa quitar el mal de güeyu... Toa esa carga inmaterial que les nueses güeles viviero, ya munches practicaron, entemécense con estos rellatos de vides dures e inxustes, con hestories que nun siempre acaben bien, con odiu, con venganza.
🖤Una llectura mui recomendable, y que pienso que puede sorprendevos. Namás acabar de lleela entamé a restolar per internet buscando más información sobre l'autora, que llibros tien publicaos etc y alcontréme con que parte de la hestoria ta basada en fechos reales. La casa protagonista ye la casa de so güela, dalgunos personaxes como'l bisgüelu y la propia güela tan basaos nos sos propios familiares. Detallinos que me ficieron sorprendeme tovía más y namorame completamente d'esti llibru.
Ningún comentario:
Publicar un comentario