💜Yo tenía munches ganes de lleer esti llibru por que lleera va unos años Del Color de la Leche de la mesma autora y ye unu de los miós llibros favoritos.
🖊️Dambos son llectures bastante peculiares qu'entiendo que non a tool mundu-y presten, ya que la manera qu'escueye l'autora de da-y voz a los personaxes (neñes, nes dos noveles) ye usar un llinguaxe similar al de la dómina na que se desendolca la novela y imitar la manera d'escribir de neñes casi ensín alfabetizar. Polo que nun existen signos de puntuación, hay pronomes mal escritos, errores gramaticales etc Nel casu de La Escuela de Canto esto ye tovía más acentuáu que nel primer llibru.
Al entamu fíxoseme raro enforma y costábame entrar na hestoria. Pero una vegada que lleves 10 o 12 páxines consigue engabitate a les sos páxines y a nun ser quien de dexales.
En les dos noveles la trama fálanos de la vida rural d'antaño, de les desigualdaes sociales y sobremanera del machismu presente en tolos ámbitos de la vida, desde'l puntu de vista y la esperiencia vital de dos neñes que nun lu tuvieron nada senciello. Nel casu del primer llibru, la hestoría ye durísima y quedes varios díes col sabor del llibru na boca. La escuelande canto ye una hestoria tamién enforma dura, pero tien más lluz, más esperanza y llucha.
Son dos hestories bien dures , que te toquen el coral, pero que presten munchísimu.
Lleisteis dalgunu de los dos llibros?
Ningún comentario:
Publicar un comentario