La demencial hestoria asocecida n'una antigua mina de carbón.

Sipnosis:
La hestoria asocede a finales del s.IXX, nun pueblín estremáu de Canadá , relixoso y conservador nel que una familia vese sumida n'una sucesión de desgracies. Lo que fai que'l pá éche-y la culpa de les sos desgracies a un ser sobrenatural. Pa "protexer" a la so familia trasládense a una vieya mina de carbón, onde pondrán en peligru les sos vides.



Opinión:
Ye una novela qu'engabita dende les primeres páxines. Yo estremaríala en dos partes.
La primera parte ye onde conoces a los personaxes de la hestoria, contada en primera persona pol protagonista, Jeremías, un mozu de 12 años al entamo del rellatu, pero que cuenta la hestoria ya cuando ye vieyu. Conoces a Jeremías y a la so familia, y avéreste a la dura realidá que-yos tocó vivir. Esti mozu ye un personaxe al que-y cueyes ciñu yá nes primeres fueyes. Un rapaz lluchador, valiente y sensible. Al igual que só pá, un paisanu trabayador que llucha por sacar alantre a la so familia y al que toa la familia y el pueblu quier. Hai otros personaxes más secundarios como son les hermanes de Jeremías y la so tía Anabel, y otros ás alloñaos pero bien importantes na hestoria como son el cura, el pastor col que trabaya Jeremías, el capataz de la mina...
Toos ellos son personaxes a los que-y cueyes ciñu durante la primer parte del llibru. Sobremanera a Jeremías , a les sos hermanes y a so pá, un exemplu de constancia, familiaridá y esfuerzu, magar de vese sumíos nuna serie de desgracies contínues.
La segunda parte del llibru vien emburriada por otru duru golpe que-yos da la vida a esta familia. Y que produz un cambéu paulatín na forma de ser, de vivir y de pensar del pá. Ye nesta parte cuando entama la hestoria más escabrosa y terrorífica del llibru. Nun pués parar de lleer pa saber que ye lo siguiente que pué pasar.
Si la primera yera una parte dura, esta ye muncho más cruda, y la llectura absórvete hasta'l puntu de llegar a aterrarte con delles descripciones. L'autor manexa perbien los tiempos y las descripciones, lo que fai una llectura intrigante y amena.
Amás, cuando hai dalgún detalle importante que pudo escapásete, vuelve repitilo sutílmente nel momentu xustu. Lo que fai una llectura bien fácil y cómoda.
Nesta segunda parte un de los personaxes da un cámbeu drástico, la verdá ye que nun me imaxinaba que na mesma llectura pudiera coyer tantu ciñu y tantu ascu a un mesmo personaxe en tan pocu tiempu. Ye un cambéu inesperáu qu'engabitome a la llectura más tovía.
Ye un llibru que mezcla realidá con ficción, desgracies reales y naturales que a toos nos puen asoceder, y situaciones paranormales que de primeres parecen solamente frutu de la llocura y la imaxinación, pero dempués faen que cobrem vida y sentíu.
El llibru absórvete hasta la última páxina, y caltiente col corazón nun puñu hasta'l final.
Ye un llibru bien recomendable tanto pa los amantes del xéneru de terror como pa los qu'empecipiamos a lleelo.

Datos:
El llibru tien 256 páxines
Año publicación: 2018
Ed: Caligrama
Autor: Jose M. González
Llingua: castellán