Siguimos col maratón de les hermanes Brontë!!
PUNTUACIÓN: 4,25/5
Opinión:
Fae unos meses lleí por primer vegada la novela Cumbres Borrascosas de la gran Emily Brontë, y apartir d'ehí entamé a interesame pola vida d'ella y de les sos hermanes (Charlotte y Anne), sintiendo una gran almiración y respectu por elles. Darréu púnxime a buscar les noveles de les sos hermanes, y llibros que falaren d'elles, fué entós cuando lleí "Todo Ese Fuego" de Ángeles Caso (podéis ver equí la reseña) un llibru que fala de les sos vides y gracies al que les entendí meyor.
La siguiente obra en cayer foi Jane Eyre (reseña equí) de Charlotte, y agora toco-y la vez a la más pequeña de les Brontë: Anne, cola so novela más conocía Agnes Grey.
Esta ye la obra más curtia, en comparanza con les de les sos hermanes, son unes 250 páxines, frente a les 400 aprox de Cumbres Borrascosas, les 600 de Jane Eyre, Villette con unes 700, El profesor con 400... y esto, magar que me presten les obres curties y concises, fixo qu'el final me paecira demasiáu azotáu y forzáu. Como si faltaren páxines pel mediu que me llevaren seliquín hasta'l fin.
Les obres de les sos hermanes destaquen poles vueltes que-y asoceden a la hestoria, les largues descripciónes que te averen muncho más a los personaxes, a les sos emociones... Y a tener unos cambeos y unos finales bien drásticos ya inesperaos. Esto pa min non asocede en Agnes Grey.
De toes formes, foi una obra que me prestó muncho lleer, na que vi munchos paralelismos cola vida de la autora, y sobre too cola realidá que-y tocó vivir xunto a les sos hermanes, alcontrando similitudes con les obres de Emily y Charlotte y coles sos propies experiencies personales.
En Cumbres Borrascosas y en Jane Eyre apaecen distintos temes y argumentos, pero un de los temes principales ye l'amor y les pasiones prohibíes, y al rodiu d'esto desendólcase la novela. En Agnes Grey, sicasí el tema principal ye mostranos la realidá d'una neña que decide exercer d'institutriz pa sofitar a los sos pás y contribuyir na economía doméstica, y de como ye tratada pola vida, y sobre too poles persones que-y dan trabayu. Viéndose les diferencies sociales y de clase que taben a la orden del día nesa dómina.
Pero en Agnes Grey tamién hai llugar pal amor, pero d'una forma muncho menos profunda y escontra'l final del llibru, dándo-y poca importancia durante toa la hestoria, pero aumentando la so presencia al final.
Agnes ye una moza a la que-y garres ciñu dende les primeres páxines, ye la pequeña de la familia, y quier demostra-yos a toos que'ella tamién pué aportar y sofitar a sos pás y a la so hermana, y quier que la dexen de tratar como una neña y demostra-yos tolo que val y lo que ye capaz de facer.
Entrúgome si Anne, l'autora, quedría dicinos y demostramos daqué, ya qu'ella yera tamién la pequeña de les hermanes, y nun ye difícil que sintiera algo paecíu en dalgún momentu y quisiera amosalo al traviés de Agnes.
Durante la llectura, al igual que con Cumbres y Jane, sentí rabia, frustración, pena y llegué a odiar a la mayoría de personaxes de la obra. Pero a la fin ye un llibru de los que dexen un bon sabor de boca y una alcordanza guapa, con un final dulce y esperanzador, pero como vos dicía enantes, pa min, enforma forzáu y apuráu. En cuantes diba llegando a la fin, diba pensando: Nun pué pasar esto, aunque seya lo que quiero que pase, por que sedría demasiáu obviu. Y pasa... Y entós quedes agustu pero fáltate hestoria, fáltante argumentos, páxines...
Pero entá asina, sigui siendo una llectura guapa, amena, rápida y que nos fala de munches coses en bien poco testu, que mos avera a la realidá de la dómina na que foi escritu, y de les inxusticies y la forma de vida que se daben día a día.
Un llibru bien recomendable!!! Anímovos a lleelo, yo quédome con ganes de siguir lleendo obres de les Brontë, asina que siguimos con esti maratón Brontë!! 😍💪
Agnes ye una moza a la que-y garres ciñu dende les primeres páxines, ye la pequeña de la familia, y quier demostra-yos a toos que'ella tamién pué aportar y sofitar a sos pás y a la so hermana, y quier que la dexen de tratar como una neña y demostra-yos tolo que val y lo que ye capaz de facer.
Entrúgome si Anne, l'autora, quedría dicinos y demostramos daqué, ya qu'ella yera tamién la pequeña de les hermanes, y nun ye difícil que sintiera algo paecíu en dalgún momentu y quisiera amosalo al traviés de Agnes.
Durante la llectura, al igual que con Cumbres y Jane, sentí rabia, frustración, pena y llegué a odiar a la mayoría de personaxes de la obra. Pero a la fin ye un llibru de los que dexen un bon sabor de boca y una alcordanza guapa, con un final dulce y esperanzador, pero como vos dicía enantes, pa min, enforma forzáu y apuráu. En cuantes diba llegando a la fin, diba pensando: Nun pué pasar esto, aunque seya lo que quiero que pase, por que sedría demasiáu obviu. Y pasa... Y entós quedes agustu pero fáltate hestoria, fáltante argumentos, páxines...
Pero entá asina, sigui siendo una llectura guapa, amena, rápida y que nos fala de munches coses en bien poco testu, que mos avera a la realidá de la dómina na que foi escritu, y de les inxusticies y la forma de vida que se daben día a día.
Un llibru bien recomendable!!! Anímovos a lleelo, yo quédome con ganes de siguir lleendo obres de les Brontë, asina que siguimos con esti maratón Brontë!! 😍💪
Ningún comentario:
Publicar un comentario