"Las vírgenes suicidas" de Jeffrey Eugenides ed: Anagrama

PUNTUACIÓN: 4,25/5

SINOPSIS:

Ye branu na América de los años 70, y les 5 hermanes Lisbon quítanse la vida ente la plasmada mirada de los sos vecinos. Veinticinco años dempués, Jonathan, el namoráu collaciu d'una delles, recuerda l'impactu que producieron aquelles muertes. Les moces vivían enclaustraes en casa, someties a la férrea custodia de unos padres desaxeradamente estrictos. Les sos figures deambulaban poles habitaciones y les sombres proyectaes nes ventanes facíanlas deseables a quienes se asomaben a elles. Tovía güei, tantos años dempués, aquelles "Lolitas" fascinen a unos homes que siguen entrugándose que asocedió.

OPINIÓN:

Güei mesmo terminé de lleer esti llibru que vos traigo a continuación, lleva por títulu "Las vírgenes suicidas" y como podeis albidriar ye una hestoria que mos fala de suicidios. Concretamente de 5 hermanes que deciden quitase la vida durante´l transcursu d'un añu. (Nun ye un spoiler ya que como veis, esto sábese dende la sinopsis).  La primera en quitase la vida ye Cecilia, ensín motivos aparentes, y a partir d'esta desgracia too camuda na familia Lisbon ya inclusive nel barrio nel que viven.

La llectura ye super amena, ye un llibru curtio que se llee bien rápido (unes 250 páxines), y está escrito de tal forma que magar que ya conocemos l'argumentu principal y como acaba la hestoria, sigue engabitándonos a continuar lleendo y a descubrir como asocede la hestoria. Nella preséntansenos a los personaxes principales (les hermanes Lisbon, que cuasi pueden ser un único personaxe ya que la hestoria fála d'elles cuasi siempre en grupu, y aunque d'alguna d'elles tenemos más información, como de Lux, en xeneral non profundiza nos personaxes concretos si non que fálase de les 5 hermanes como un único ente), tamién tienen importancia na hestoria los sos pás (Sr y Sra Lisbon),  los vecinos y el barriu en xeneral (pero concretamente un grupo de mozos encabezao narrativamente por Jonathan, que tan namoraos de les hermanes). Esti grupu de mozos van tener una importancia bien grande na hestoria y en xeneral tamién los vecinos. Ya que dende'l mio
mou de ver, esti llibru nun quier caltener la intriga nin centrar la hestoria nos suicidios si non que pretende xenerar el debate o que cavilemos sobre'l papel de los vecinos y de los collacios que magar que yeren conscientes de la situación que taben viviendo les hermanes nun ficieron nada por impedilo.
Si que vemos muestres de sofitu, de caridá, de pena... Ayúdanlos nes tarees cotidianes pero nun intervienes magar que los pas tienen encerraes a les hermanes en casa ensín salir. Nunas condiciones pésimes, nuna casa sucia y abandonada dende la muerte de Cecilia.

Pa min les hermanes Linton foron personaxes que se fixeron querer, magar vivir una situación bien difícil veíase que yeren moces intelixentes, con principios, con ganes de vivir y de ser moces normales, y d'esfrutar ensín la excesiva vixilancia y autoridá de dos pás, estos últimos magar facelo bien mal, y de nun tar d'alcuerdu con la forma de educales, diéronme pena. Y creo que taben tan apenaos y sentíanse tan culpables de la muerte de Cecilia que la forma de protexer a les sos fíes foi encerrales. Pero nun llegué a odialos si non a sentir pena d'ellos.

Los mozos, son los únicos que sienten que tienen que facer daqué pa sofitar a les hermanes, pero son muy neños tovía y nun saben bien que facer, ye por esto polo que tampoco llegues a culpalos si non que sientes pena tamién d'ellos, ya que 25 años dempués siguen dando-y vueltes a lo asocedío y sintiéndose culpables, ya que'l suicidio ye la muerte que fae sentir a los que quedamos que nun tuvimos a la altura de sofitar y facer salir alantre a esa persona...

Esti ye un llibru para reflexionar, un llibru diferente a los que lleera, ya que dende'l entamu sabía el desenllaz, pero tovía así consiguió engabitame a la llectura y ser bien ameno ya interesante.

Recomiéndovolo ensín dulda!