"Candela" de Juan del Val

PUNTUACIÓN: 5/5

Sinopsis

Tengo estríes, celulitis y una perra fea que se llama Chelo. De primeres yera guapa, pero cuando creció enanchóse-y el culu. Lo mesmo que me pasó a mi, salvando les distancies…».

Candela ye una muyer de cuarenta y pocos años con una vida normal, acostumada a la soledá, per observadora y con un ácidu sentíu del humor. Los sos díes trescurren ensin grandes respigos mientres trabaya de camarera nel chigre que rexenta al pie de la so güela y a la so madre tuerta. Un chigre de barriu pol que, al traviés de los sos clientes, pasa la vida entera.

Candela tendrá d'allumar cualquier penumbra, inclusive esa que vuelve dende'l pasáu que creía escaecíu.



Juan del Val constrúi, con una veracidá descarnada y un sentíu del humor n'ocasiones desternillante, la semeya d'una muyer única.

Opinión

Ye la primer vegada que lleo daqué de Juan del Val, de primeres dábame un pocu de mieu por ser cercanu a la tv, pareya d'una predentadora famosa etc. Siempres me dan un pocu de mieu los llibros escritos por daquién conocíu o rellacionáu col circu mediáticu, pero animada por una amiga decidí lleer a Candela.

Tengo que dicir yá de primeres que foi una de les meyores llectures del añu, a cencielles por que fízomelo pasar xenial. Candela ye una muyer, que podríamos ser cualesquier de nós, colos sos mieos, coles sos desventures, con una vida amorosa bastante penosa, pero qu'enxamas pierde'l sentíu del humor, ese sentíu del humor que fai que te ente la risa hasta cuando ta cuntando dalguna penalidá.

Candela rexenta un chigre cola so familia, y este ye unu de los escenarios más habituales onde asocedi tola hestoria. Encantóme ver la relación de Candela con munchos de los personaxes a los qu'acabes adorando, y sobremanera ver el cambéu de Candela durante la obra, meyorando y evolucionando claramente, como nos pasa a cualquier persona a lo llargo de la nuesa  vida, va pasando por distintes etapes que la ayudan tamién a conocese a si mesma y a querese más.

Detrás de la hestoria senciella, y prestosa de lleer atópense tamién bastantes temes potentes, sobremanera  rellacionaos cola forma de rellacionase col entornu y coles persones que tien Candela al so alredor, y que consecuencies tienen na so personalidá y forma de ser.

Ye una hestoria senciella que se llee bien rápidu pero que te dexa un regustu fantásticu na boca. Encantóme Candela, y encantóme conocer la so vida y a la so familia. Una llectura que vos recomiendo!!