"Si tu me dices ven lo dejo todo, pero dime ven" de ALbert Espinosa

Puntuación: 3/5

Xustamente fae unos díes que terminé de lleer esti llibru de Alber Espinosa , coincidiendo cola llegada dun gran viaxero, gran persona y gran collacio. La llectura la verdá que ye flojina, nel mió parecer, pero hai llectures que magar que nun seyan espectaculares, si lleguen nel momentu xustu, dexen poso. Esto pasóme a min con esti llibru, y con dalgunes reflexiones que propón nel. Déxovos primero cola sinopsis.


Sinopsis:

Dani dedícase a buscar neños perdíos. Nel mesmu intre en que la so pareya fai les maletes para abandonalo, recibe la llamada de teléfonu d'un padre que, desesperáu, píde-y ayuda pa topar al so fíu.

El casu conducirálu a Capri, llugar nel que van a aparecer alcordances de la so niñez y de los dos personaxes que marcaron la so vida: el señor Martin y George. El realcuentru col pasáu va llevar a Dani a cavilgar sobro la so vida, sobro la hestoria d'amor cola so pareya y sobro les coses que realmente importen.

Opinión:

Lo que mas me prestó del llibru ye la reflexión que mos cuenta'l protagonista d'esta hestoria, Dani, al falanos de la importancia de los "diamantes" de la so vida. Tien la teoría (que-y la enseñó un de los sos diamantes), de que na vida tenemos munches "perles" y namás que 4 "diamantes" perdíos pol mundu alantre, y que l'oxetivu de vivir ye dir atopándolos y que toes les persones vamos dir faciéndolo a lo llargo de la nuesa vida. Fala qu'esos diamantes son persones que faen que la to vida camude gracies a lo qu'aporten, gracies a les enseñances que dexan, y a la enerxía y fuercia que-y tresfieren a la xente que tienen al so rodiu.
Prestóme muncho esta reflexión y la manera na que la desendolca na novela, na que llegamos a conocer tamién a los sos "diamantes" y a eses persones que-y influyeron enforma na so vida, na so manera de ser y de pensar. Prestome ver el paralelismo cola vida real, y la importancia de tener cerca a les persones que faen d'esti, un mundu meyor.

Esta ye una llectura rápida, áxil, pero ensín muncha miga. Ye guapa pa pasar un ratín ensín concentrarse muncho, y pa sacar frases y reflexiones guapes.