N'esti llibru atopámonos dende l'entamu con un terrible crimen, Susana, una moza filla de pá xitano y ma paya ta apuntu de casar. Dempués de cellebrar la so dispidía de soltera aparez brutalmente asesinada. El crime ye mui apaecido al que acabó cola vida de la so hermana 7 años atrás, nes mesmes condiciones, pero'l asesinu ta cumpliendo la so pena na cárcel. Ye'l verdaderu asesinu? Tará na cárcel dalguien inocente? Esto ye lo que vamos dir descubriendo poquitín a poco de la mano de la inspectora Elena Blanco y del so equipu.
La llectura ye mui mui senciella, con un llinguaxe áxil y ensín floritures, narrao d'una manera directa ensín demasies descripciones, con capítulos curtios de non más de 5 o 6 páxines y una narración que te fae seguir pasando páxines y páxines naguando por saber el final y descubrir que ye lo que asocedió.
Entiendo dempués de lleelo, l'éxitu y que se convirtiere nun superventas, por que ye una llectura apta pa cualesquier persona que-y preste la novela negra y que busque namás un llibru d'entretenimientu puru y duru. Si busques daqué más ye probable que nun lu topes, por que ye un llibru de misterio ya intriga con un alto cálter cinematográficu al más puru estilu de series como Mentes Criminales etc Ensín muncho más fondu, polo que nun ye raro que seya un superventas, cuando cumple toles características pa selo: Llinguaxe senciello, llectura amena, capítulos curtios, adictivo y treméndamente cinematográficu.
La verdá ye que me prestó lleer daqué asina, ensín más, ensín reflexiones nin comederos de cabeza, un llibru pa divertime, entreteneme y tamién horrorizame en delles partes polo duro y bestia de la hestoria y los crímenes que se cuenten n'ella.
El misteriu principal de la primera novela resúelvese completamente nel primer llibru, pero queden munches coses sueltes y un misteriu qu'acompaña a la inspectora Elena Blanco que fadrá que quedemos con ganes de siguir lleendo los siguientes títulos. Yo ya entamé col segundu: La Red Púrpura, que de momentu ta dexándome tovía más ablucada qu'el primeru. Nun son llectures aptes, baxo'l mió puntu de vista, pa xente mui aprensivo ya que se cuenten detalles bastantes escabrosos y duros de los crímenes. Sicasí yo tengo que dicir que soi una cagona pa too y que nun solo fuí quien de lleelo si non que tamién me prestó enforma, polo que nun vos asustar, y probar 😉
Como ya sabreis La Novia Gitana tendrá una adaptación cinematográfica y convertiráse n'una serie que dirixirá Paco Cabeza, polo que pronto podremos disfrutala y comparala col llibru 🤭
Y vosotrxs, ya lleisteis los llibros de Carmen Mola?
Ningún comentario:
Publicar un comentario