🐘 Non penses nun elefante rosa , ye'l nuevu llibru d' Antía Yáñez que eleximos como llectura conxunta para los nuesos aquelarres lliterarios del club Clarión.
📗 Esti llibru cuéntanos la hestoria d'Aurora, una moza con dellos problemes, ente ellos el trastorno obsesivo compulsivo (TOC) , ye un llibru enllenu de reflexiones interesantes si tienes interés nel tema de la salú mental, pero ye que amás ye una novela mui mui llixera, que se llee nunos pocos díes.
A min tresportome totalmente a la vida d'Aurora y al ritmu frenéricu de la so cabeza, de los sos pensamientos y de les sos obsesiones, llegando a sentir agobiu en ciertes partes del llibru.
🖊️ Toes les persones que pasamos por dalgún problema d'esti tipu (ansiedá, depresión, enfermedades mentales etc) vamos a sentinos per identificaes con delles situaciones.
Magar que'l final me paeció un poco precipitáu, el llibru encantóme y de xuru que va der una de les meyores llectures d'esti añu, presiéntolo. ☺️
👉 Teneis el llibru disponible en castellán y en galego.
(Podeis pasavos pola web de Clarión libraría güeyalo 🙃)
Ningún comentario:
Publicar un comentario