📚 Ayeri lleí el nuevu llibru xuvenil de Berta Dávila, ganador del premio Jules Verne de literatura Xuvenil, y asoleyao por Xerais.
🖊️La breve novela fálanos de daqué tan importante, y que últimamente se-y tá dando más visibilidá, como ye'l tema de la salú mental. La trama xira al rodiu de la muerte por suicidiu de Rosa, una muyer que traballaba nuna llibrería y que aparentemente pa la xente de fuera, ya incluso pa la so propia familia tenía una vida funcional y polo tanto feliz (Unos fíos que la queríen, un maríu que la sofitaba en too, un trabayu que-y gustaba...)
🔹La portada (imitando a un caleidoscopiu) ye un avance de los que nos vamos alcontrar: Un caldeidoscopiu de testimonios de tola xente que conoció a Rosa (los sos fíos, el so maríu, la so ma, la so meyor amiga, el so hermanu, la so médica, la so psicóloga...) Toos ellos cuenten como s'enteraron de la noticia, y la so visión del tema. Vemos polo tanto una montonera de reflexiones y sentimientos que broten n'esti tipu de situaciones (culpabilidá, incredulidá, entrugues ensín rempuesta... podría habese evitáu?) Según va avanzando la hestoria vamos conociendo pieces clave nel pasáu de Rosa que nos echen un gabitu pa dir entendiendo que ye lo que pudo haber asocedido. De momento la novela namás ta disponible en galego, pero ye una llectura mui senciella, adaptada a un públicu xivenil, que creo que con un poquiñín d'esfurciu podeis lleer perfectamente. Naguo que tenga'l ésitu suficiente pa que la tornen al castellán como otres noveles de l'autora como Carrusel o Los Seres Queridos (que vos recomiendo que-y echeis un güeyu!)
Ningún comentario:
Publicar un comentario