"Carta de una desconocida" de Stefan Zweig

" A ti, que nunca me conocisti"

"El peligro de estar cuerda" de Rosa Montero

 

📚Rosa Montero tien la marabillosa capacidá de facer dixerible pa cualquiera persona datos, anécdotes, estadístiques ya información que a priori puede parecer densa o qu'esixe un esfuerzu pergrande. Tien una pluma intelixente ya cargada de sentíu del humor, que fae que lleela seya una esperiencia única.

"Bella y oscura" de Rosa Montero

 

📚Los llibros de Rosa Montero nun los lleo, bébolos. Nun me duren más de dos díes nengún, por que ye entamalo y somorguiame nes profundidaes de la hestoria.

"Intemperie" de Jesús Carrasco

 

❤️‍🩹 Maldá, crudeza, desesperanza, too ello nun llugar inóspitu, nun sabemos cuando, nun sabemos onde...

Intemperie nárranos la fuxida del so fogar dun neñu, al traviés d'una tierra inóspita afectada por una gran sequía que fae que sobrevivir seya casi imposible.

Nel so camín va alcontrase con un pastor, y nesi momentu el destín de los dos quedará selláu pa siempre.

📚Al traviés d'una narración llenta, vamos avanzando na hestoria d'estos dos personaxes y de la rellación que surde ente ellos. Vamos conocer de qu'escapa'l neñu, y quien lu persigue.

💔Ye una hestoria dolorosísima, y que creo que nun ye apta pa tol mundu. Déxate tocada la so crudeza.
Aparte creo que la manera na que ta escrita, el ritmu, y el vocabulariu específicu que se usa durante tol llibru fae que seya una llectura un poquitín más esixente de lo que de primeres puedes esperar.

De toes maneres, si vos llama l'atención la trama, recomiéndovoslo muncho, y si nun vos animais col llibru podeis ver la peli que ye tamién maraviyosa, magar que camuden coses con respectu al llibru.

"Os seres queridos" de Berta Dávila

"Os seres queridos" de Berta Dávila ye un llibru sobre maternidá non edulcorada, sobre vínculos familiares, sobre depresión postparto y sobremanera sobre realidá, sobre la vida.

"La metamorfosis" de Kafka

 

📚El branu pasáu entamara a lleer nes vacaciones La Metamorfosis, de Kafka. Dexáralo a medies magar que me taba prestando, y agora foi momentu de retomalo.

"Lady Susan" de Jane Austen

 

Nun me gusta ser categórica, pero...

 Definitivamente, creo que nun conecto con Jane Austen. Espero que nun me tireis un regodón a la cabeza. 

"Las malas" de Camila Sosa

📚 Esti llibru ye un encuentru ente mundos distintos, ente realidades que conviven y que paecen nun mirase a la cara. La lliteratura tamién debe ser esto, la lliteratura debe averanos a realidades menos conocíes y a facenos empatizar con la xente que tenemos cerca.

"Los incomprendidos" de Pedro Simón

📚 Los incomprendidos, de Pedro Simón, foi la nuesa última llectura nos Aquelarres Lliterarios de la llibrería. Un llibru que fala d'adolescencia, del pasu del tiempu y de la vida, y sobremanera, como diz el título, de incomprensión. 

🖊️ Al traviés de les voces de Javier y de Inés (padre y fía), vamos conociendo la hestoria familiar, de los momentos que los ficieron tar más cerca, y de los que los separtaron, de como la vida pega y duel, ensín remediu. 

😢 El llibru foi quien d'emocioname en delles ocasiones, y de tresportame a l'adolescencia y a sentime un poquitín más cerca d'eses edaes, habitualmente enllenes de complexos, de incomprensión, d'hormones revolucionaes, de facésete bola la vida y de que paezca que hai coses que namás te pasen a ti y que naide puede entendeles. De como hai vides, ehí fuera, que nun son sencielles, y como les firíes emocionales te pueden acompañar tola vida. 

💜Un llibru marabillosu, que me prestó enforma, magar que'l final (como viene siendo habitual nes mios últimes llectures), nun me prestó. Non porque prefiriera que la hestoria acabara d'una manera o d'otra. Si non  por que me paez que la reflexión final del libru nun debiera dir por esí camín. Dempués de demostranos que la vida ye dura, y que'n toes les families pasen coses dures, nun me paez que'l final "flowerpower" que'l autor escribió seya mui coherente col restu del llibru, y sobre too, cola realidad y la vida mesma.

📌 Facía tiempu que nun gastaba tantos marcadores 😂 Pero ye que tien frases, fragmentos y paxines enteres que son auténtiques ayalgues.

"remexido de patacas" de Eli Ríos

 

💬 ¿Puede contase con humor dalgo tan duro como la violencia de xéneru?, ¿Puede llegar a ser un llibru que te fae reflexionar, ensín caer no burdo y resultar ofensivu?

Pa min la rempuesta ye SI!

Esti llibrucu, de apenes 80 páxines, fálanos de sororidad, de sofitu mutuu ente muyeres maltrates, pero ironizando y xugando con nós en too momentu. Delles veces tuvi que parar la llectura, y planteame si lo que taba llendo yera "real" o si taba xugando cola nuese mente. La conclusión? nun la tengo clara. Pero lo que tengo por seguru ye que ya tengo ganes de volver a relleelu y marcar dalgunes frases glorioses que deberíen tar enmarcaes y colgaes nes parees de toles cases.

"A Culpa" de María Solar

 

📚 Primera llectura del añu!

🖊️ Que difícil ye cargar col pesu la culpa... que torgues nos ponemes a nosotres mesmes munches veces... Esta novela, ganadora del premiu Xerais, fálanos precisamente d'eso, de como la culpa puede camudanos ya influir nes nueses vides hasta'l final de los nuesos díes.