"Jane Eyre" de Charlotte Brontë

PUNTUACIÓN: 4,75/5

Opinión:

Va unos díes terminé de lleer esti fantásticu llibru escrito pola mayor de les hermanes Brontë (Charlotte).
Venía de lleer "Cumbres Borrascosas" (de la sonhermana Emily ) , y la novela "Todo ese Fuego" de Angeles Caso, polo que la llectura foi super deseyada, y taba naguando por lleelo.




Déxovos la contraportada del llibru, pa que podáis lleer la sinopsis si nun conoceis la novela.

Gracies al llibru  de Angeles Caso que lleera anteriormente, fui quien d'entender meyor la novela de Charlotte y de atopar nella dellos paralelismos ente la propia vida de la autora y la protagonista de la novela, Jane Eyre. La crueldá y el clasismu de la so dómina, les pasiones prohibíes, la probeza, les apariencies, la valentía, el machismu...  Y foi realmente fácil empatizar con ella y metese dientro de la historia.

Esta novela tráxome consigo delles emociones, y dellos sentimientos contrapuestos con algún de los personaxes. Y enllenóme de rabia ya impotencia , pero tamién d'esperanza y amor.

Dende l'entamu , cuando la pequeña Jane vive cola "so familia" descubres unha realidá bien dura a la que tien qu'enfrentase dende neña, una realidá enllena de despreciu, de crueldá, de dolor, de clasismu, y una neña valiente qu'enxamás se riende y con unos valores bien forxaos y un sentíu de la xusticia per grande.
Empieces a odiar a dellos personaxes, y a deseyar que la pequeña Jane escape de la vida que-y ficieron vivir.
 Según va creciendo la situación nun meyora, y vese sometía a muncho dolor y munches penes, hasta que porfin vese una lluz a la fin del túnel y paez que too va coyendo forma, y traces de meyora.
Por fin consigue una situación económica y sobre too emocional un poquitín más estable, arrodiada de xente que la quier y protexe. Pero para Jane esto non ye abondu. Jane quien volar, ser llibre, prosperar... Pero de sópitu daqué camuda, y Jane entama a vivir una situación nueva para ella. L'amor.
Pero el destín encargarase de nuevu de nun pone-y les coses fáciles ya va facela sufrir en forma.

Aquí ye cuando s'entemecen les emociones. Per un llau quies que too-y salga bien, que seya feliz, cola persona a la qu'ella ama fonderamente. Pero per otru llau , hai munches coses que nun me convencen de la situación que vive, del so amáu, de la forma en que ye tratada y de varies situaciones que se mos presenten.
Ye ciertu que hai que tener en cuenta que la dómina que reflexa nun ye la nuesa, y quiciabes dalgunes de les situaciones que Charlotte narra yeran normales nesos tiempos y l'autora querría narralos ensin querer espresar el machismu que los nuesos güeyos perciben agora, o quiciabes non, ya que yera una muyer con una percepción de la igualdá bien grande y avanzada pala so dómina.

El casu ye que la sensación xeneral que sientes cuando avances na llectura ye de naguar por un final feliz pa los dos amáos, y que por fin Jane seya feliz.
Pero al terminar la llectura quédenme munches duldes, y plantéganseme entrugues sobre l'amor, los celos, la pasión, los prexuicios, y sobre los comportamientos o tratos machistes que reflexa pa min la obra, y la visión del amor que mos ufierta.

Ye un clásicu de la lliteratura bien recomedable. Magar tener 600 páxines, engabítate enforma, y lleese bien rápido.

Si tovía nun lo lleísteis, encamiéntovos que lleais primeru la novela de "Todo ese fuego" ya que nun fae excesivos spoilers, y daste cuenta de onde pué decir daqué que nun quies lleer pa saltátelo, pero va facer qu'entiendas meyor la novela y qu'entres nel maxín de Charlotte pa pescudar no que nos quier contar.