"Dor menstrual" de Kopano Marlawa

 🧡 Poques coses presten tanto como poder garrar un llibru, que t'engabite y poder lleelu del tirón. Esta suerte túvela güei con "Dor menstrual" una novela de Kopano Marlawa, tornada por Rinoceronte editora y que me dexó ablucada. Podeis alcontralo en castellán como: Florescencia asoleyao por Alpha Decay. 

"Rostros en el agua" de Janet Frame

 

🥺Hai llibros que si lus llees nel momentu "afayadizu" o al contrariu, según se mire, pueden facese agobiantes y nun ser quien de somorguiate por completu nes sos páxines porque precises parar cada poco y tomar aliendu.

"La Malnacida" de Beatrice Salvioni

 

🖤 La ​​Malnacida foi la nuesa última llectura conxunta col Clube literario Clarión, y magar que'n xeneral foi un llibru que m'entretuvo y que me prestó, garrelu con unes expectatives tan altes que al final quedóseme un poco descafeináu.

"La dependienta" de Sayaka Murata

 

🤔 De xuru que munchos nos sintimos bichos raros en dalgún momentu de la nuesa vida. Por tener gustos distintos a los de los demás, o cenciellamente por nun encaxar al 100% nos roles y estereotipos más habituales que nos impón la sociedá.

"No, mamá, no" de Verity Bargate

 

📚 Esti llibru ablucóme dende la primer páxina. Una llectura bien dura que nun principiu paez falanos cenciellamente de la depresión posparto, pero qu'en realidá trata munchos temes como la violencia machista, les imposiciones sociales qu'afecten a les muyeres, la importancia de l'amistá y la sororidá…

"La desconocida" de Rosa Monteo y Olivier Truc

 

❤️‍🩹Tengo que reseñar esti llibru como si non fora de Rosa Montero, porque en realidá ta escritu a cuatro manes, y eso nótase, nótase munchísimo.

"Non temerás os coches amarelos" de Marta Villar

 

🚕 En abril, la llectura conxunta del nuesu club de llectura foi "Non temerás os coches amarelos" de la Malpicana Marta Villar. ( @martaivillar ) Una novela d'unes 300 páxines que fai un percorríu pola vida de la protagonista, Dina, dende la so infancia hasta la so vida adulta.

"El gato que amaba los libros" de Sosuke Natsukawa

🐱"El gato que amaba los libros" ye una especie de fábula, ambientada en Xapón, que pretende facenos reflexionar sobre los hábitos de llectura que tenemos angüaño, sobre'l mundu editorial, y sobre la prisa que tenemos siempres na vida, inclúso a la hora de lleer.

"Las gratitudes" de Delphine de Vigan

📚💜 Que cosa más guapa!

Nem mez de marzu, nos aquelarres lliterarios del club de llectura Clarión, lleímos estra preciosidá de llibru escritu por Delphine de Vigan.

"El adversario" de Emmanuel Carrère

📚Llegué a esti llibru al traviés de "El peligro de estar cuerda" de Rosa Montero (una de les coses que me flipen d'ella ye que de los sos llibros siempres salgo con ganes de lleer otres noveles, o conocer personaxes de los que fala).

"Novela de ajedrez" de Stefan Zweig

🚢Esta curtia novela desendólcase nun barcu que viaxa de Nueva York a Buenos Aires.

"Carta de una desconocida" de Stefan Zweig

" A ti, que nunca me conocisti"

"El peligro de estar cuerda" de Rosa Montero

 

📚Rosa Montero tien la marabillosa capacidá de facer dixerible pa cualquiera persona datos, anécdotes, estadístiques ya información que a priori puede parecer densa o qu'esixe un esfuerzu pergrande. Tien una pluma intelixente ya cargada de sentíu del humor, que fae que lleela seya una esperiencia única.

"Bella y oscura" de Rosa Montero

 

📚Los llibros de Rosa Montero nun los lleo, bébolos. Nun me duren más de dos díes nengún, por que ye entamalo y somorguiame nes profundidaes de la hestoria.

"Intemperie" de Jesús Carrasco

 

❤️‍🩹 Maldá, crudeza, desesperanza, too ello nun llugar inóspitu, nun sabemos cuando, nun sabemos onde...

Intemperie nárranos la fuxida del so fogar dun neñu, al traviés d'una tierra inóspita afectada por una gran sequía que fae que sobrevivir seya casi imposible.

Nel so camín va alcontrase con un pastor, y nesi momentu el destín de los dos quedará selláu pa siempre.

📚Al traviés d'una narración llenta, vamos avanzando na hestoria d'estos dos personaxes y de la rellación que surde ente ellos. Vamos conocer de qu'escapa'l neñu, y quien lu persigue.

💔Ye una hestoria dolorosísima, y que creo que nun ye apta pa tol mundu. Déxate tocada la so crudeza.
Aparte creo que la manera na que ta escrita, el ritmu, y el vocabulariu específicu que se usa durante tol llibru fae que seya una llectura un poquitín más esixente de lo que de primeres puedes esperar.

De toes maneres, si vos llama l'atención la trama, recomiéndovoslo muncho, y si nun vos animais col llibru podeis ver la peli que ye tamién maraviyosa, magar que camuden coses con respectu al llibru.

"Os seres queridos" de Berta Dávila

"Os seres queridos" de Berta Dávila ye un llibru sobre maternidá non edulcorada, sobre vínculos familiares, sobre depresión postparto y sobremanera sobre realidá, sobre la vida.

"La metamorfosis" de Kafka

 

📚El branu pasáu entamara a lleer nes vacaciones La Metamorfosis, de Kafka. Dexáralo a medies magar que me taba prestando, y agora foi momentu de retomalo.

"Lady Susan" de Jane Austen

 

Nun me gusta ser categórica, pero...

 Definitivamente, creo que nun conecto con Jane Austen. Espero que nun me tireis un regodón a la cabeza. 

"Las malas" de Camila Sosa

📚 Esti llibru ye un encuentru ente mundos distintos, ente realidades que conviven y que paecen nun mirase a la cara. La lliteratura tamién debe ser esto, la lliteratura debe averanos a realidades menos conocíes y a facenos empatizar con la xente que tenemos cerca.

"Los incomprendidos" de Pedro Simón

📚 Los incomprendidos, de Pedro Simón, foi la nuesa última llectura nos Aquelarres Lliterarios de la llibrería. Un llibru que fala d'adolescencia, del pasu del tiempu y de la vida, y sobremanera, como diz el título, de incomprensión. 

🖊️ Al traviés de les voces de Javier y de Inés (padre y fía), vamos conociendo la hestoria familiar, de los momentos que los ficieron tar más cerca, y de los que los separtaron, de como la vida pega y duel, ensín remediu. 

😢 El llibru foi quien d'emocioname en delles ocasiones, y de tresportame a l'adolescencia y a sentime un poquitín más cerca d'eses edaes, habitualmente enllenes de complexos, de incomprensión, d'hormones revolucionaes, de facésete bola la vida y de que paezca que hai coses que namás te pasen a ti y que naide puede entendeles. De como hai vides, ehí fuera, que nun son sencielles, y como les firíes emocionales te pueden acompañar tola vida. 

💜Un llibru marabillosu, que me prestó enforma, magar que'l final (como viene siendo habitual nes mios últimes llectures), nun me prestó. Non porque prefiriera que la hestoria acabara d'una manera o d'otra. Si non  por que me paez que la reflexión final del libru nun debiera dir por esí camín. Dempués de demostranos que la vida ye dura, y que'n toes les families pasen coses dures, nun me paez que'l final "flowerpower" que'l autor escribió seya mui coherente col restu del llibru, y sobre too, cola realidad y la vida mesma.

📌 Facía tiempu que nun gastaba tantos marcadores 😂 Pero ye que tien frases, fragmentos y paxines enteres que son auténtiques ayalgues.